रमझमसोमबार, माघ २२, २०६९

पप्पुलाई रोज राणाको साथ

हिमालखबर

बोर्डका नवनियुक्त अध्यक्ष धमेन्द्र मरवैता (पप्पु) निर्माता तथा नायक रोज राणाका साथ ।

९ वुँदे माग राखेर चलचित्रकर्मीले आन्दोलन गरिरहेका बेला सुचना तथा सञ्चारमन्त्री राजकिशोर यादवले नियुक्त गरेका चलचित्र बिकास बोर्डका नवनियुक्त अध्यक्ष पप्पु अहिले रोज राणाको इशारामा चलेको चर्चाले चलचित्रको बजार तताएको छ ।

२ महिनाभित्र चलचित्रकर्मीका मागहरु पुरा गर्ने ११ बुँदामा सहमति पछि आन्दोलन रोकीएपनि ठुलो चलचित्रकर्मीको जमात उनको पक्षमा छैनन् । त्यसैले २१ माघमा वोर्डमा कार्यभार सम्हाल्न पुगेका उनलाई स्वागत गर्न आन्दोलन पक्षधभर धेरै जसो चलचित्रकर्मी थिएनन् । तर आन्दोलनमा कतै नदेखिएका रोज राणा एक्कासी उनलाई फुल मालाले शुरुमै स्वागत गरेको दृष्य धेरैका लागि अनौठो बन्यो । पप्पुको स्वागतमा रोजका ‘सर्कल’का चलचित्रकर्मीको बाहुल्यता रहेको देखिन्थ्यो ।

स्वागत कार्यक्रममा रोज विशेष भुमिका देखिएको थियो । कार्यक्रममा पप्पु रोज र विशाल बिष्टको बीचमा थिए । त्यस्तै फिल्मकर्मीहरु तीर्थ थापा, मदनदास श्रेष्ठ तथा मोहन निरौला मधुकुमार श्रेष्ठ पनि स्वागत कार्यक्रममा थिए । रोज निकट चलचित्रकर्मीका अनुसार रोजका पुराना साथी भएकाले पनि पप्पु अहीले हरेक काम रोजका योजना अनुसार गर्ने गरेको बताईन्छ ।

रोज पप्पु पुरानो साथी रहेको भन्दै उनको समर्थन गरेको हिमालखबरलाई बताए । थुप्रै चलचित्रकर्मी पप्पुको नियुक्तिको विरोधमा आन्दोलनमाा उत्रेपनि राणा भने बोर्डका पुर्व अध्यक्ष रहेका अमर गिरी, इश्वरचन्द्र ज्ञवाली, गणेश भण्डारी जस्ता गैर चलचित्रकर्मीको तुलनामा पप्पु चलचित्रकर्मी नै भएको बताउदै उनका कार्यक्रम र योजनामा आफुहरुको साथ रहेको जनाए ।

चलचित्र क्षेत्रमा ‘डन’ को रुपमा समेत चिनीने रोज आफु अरुले हल्ला गरेजस्तो ‘डन’ नभएको तर हक्की स्वभावका कारण त्यस्तो छवि बन्न गएको बताएँछन् । चलचित्रकर्मीको आन्दोलनलाई ब्याक्तिको स्वार्थका लागि गरिएको आन्दोलन भन्दै यसको तुक नरहेकोले आफु सहभागी नभएको बताए।

प्रतिकृया दिनुहोस

हिमालखबर जनमत

नयाँ सरकारको नेतृत्व कुन पार्टीले गर्नुपर्छ?

परिणाम हेर्नुस्

Loading ... Loading ...
हिमालखबर जनमतको अन्तिम नतीजा साप्ताहिक खबरपत्रिका हिमाल को आगामी अंकमा प्रकाशित गरिनेछ ।*/?>