अस्पताको ३० औँ वार्षिकोत्सवको अवसरमा अस्पताल परिसरमा आयोजित समारोहमा अस्पताल स्थापनादेखि अहिलेसम्म २४ लाख २८ हजार ७१० जना आँखाका बिरामीको उपचार गरिएको जानकारी दिइयो ।

कार्यक्रममा वार्षिक प्रतिवेदन प्रस्तुत गर्दै अस्पतालका मेडिकल सुपरिटेन्डेण्ट डा लीलाराज पुरीले सन् २०१२ मा सबैभन्दा बढी दुई लाख ५६ हजार ३२ जना बिरामीको जाँच गरिएको र त्यसमध्ये ५२ हजार २५५ जनाको शल्यक्रिया गरिएको जानकारी दिए ।

सन् १९८३ स्थानीय स्व छविलाल चौधरी, स्व सरोवरलाल चौधरी र रविन्द्रलाल चौधरीले प्रदान गरेको जग्गामा जर्मनीस्थित सिविएम इन्टरनेसनलको सहयोगमा स्थापना गरिएको आँखा अस्पतालले सन् २०१२ मा एक हजार १०५ जना बालबालिकाको आँखाको शल्यक्रिया गरेको वार्षिकोत्सवमा जानकारी दिइयो ।

वार्षिकोत्सवमा अस्पतालका संस्थापक कार्यक्रम निर्देशक डा अल्ब्रेच्ट हेनिङ् र क्रिष्टिना हेनिङ्लाई दोसल्ला ओढाउँदै मायाको चिनो प्रदान गरिएको थियो ।

मृृत्युपरान्त आँखाको नानी प्रदान गर्ने स्व बिलट चौधरी र किसुनवती ठाकुरका परिवारलाई कदरपत्र दिइएको थियो भने क्याटरेक्ट प्याकेज टुर अपरेटरमार्फत अस्पतालमा भारतबाट उल्लेखनीय बिरामी ल्याउने भारत गोपालगञ्जका श्यामलाल, उत्तरप्रदेश कुशीनगरका विजय वर्मा र रामायण यादवलाई करदरपत्र दिइएको थियो । अहिले सो अस्पताल ५५० शैय्या रहेको छ ।

प्रतिकृया दिनुहोस