बार अध्यक्ष हरिकृष्ण कार्की

तीन प्रमुख दलहरु र मधेशी मोर्चाका नेताहरुसँग ११ फागुनमा छलफल गरेका बारका पदाधिकारीहरुले न्यायपालिकाका प्रमुखलाई कार्यंपालिका प्रमुख बनाउनु संविधानवाद, शक्ति पृथकीकरण र लोकतान्त्रिक मान्यताका विरुद्ध पनि हुने र त्यसले मुलुक निरंकुशतातर्फ जाने भन्दै आन्दोलन गर्ने चेतावनी दिएका हुन् ।

मन्त्रिपरिषदको सचिवालय सिंहदरबारमा भएको छलफलपछि नेपाल बार एशोसिएसनका अध्यक्ष हरिकृष्ण कार्कीले प्रधानन्यायाधीशलाई सरकारको नेतृत्व दिनु अन्तरिम संविधानको प्रस्तावनाको समेत विपरित हुने र मुलक थप जटिलतातर्फ धकेलिने बताए । उनले प्रधानन्यायाधीशलाई सरकारको नेतृत्व दिए देशभर रहेका बारका ८६ वटै इकाइले आन्दोलन गर्ने चेतावनी दिए ।

छलफलमा सहभागी एमाले नेता रघुजी पन्तले बारका पदाधिकारीले संविधानको भावना विपरीत जान नहुने सुझाव दिएको बताए ।

प्रतिकृया दिनुहोस