किम्फ २०१२ को उत्कृष्ट चलचित्र 'हु वील बी अब गुर्खा' को दृष्य

किम्फ २०१२ का उत्कृष्ट फिल्महरु २५ र २६ फागुनमा तानसेन नगरपालिका हलमा प्रर्दशन गर्न लागिएको हो । तानसेनमा २० फागुनमा आयोजित पत्रकार सम्मेलनमा किम्फका संयोजक बसन्त थापाले हिमाल एसोशिएसनको आयोजनामा काठमाण्डौंमा भएको फिल्म फेस्टिभलमा उत्कृष्ट भएका १३ भन्दा बढी चलचित्रहरु प्रर्दशन गरिने बताए ।

संयोजक थापाले चलचित्रले मनोरञ्जन मात्र नभएर शिक्षा, ज्ञान र सूचना समेत समेट्ने भएकाले किम्फका उत्कृष्ट चलचित्रहरु प्रर्दशन गर्न लागेको जानकारी दिए । ‘घुम्ती किम्फ’ अन्र्तगत तानसेनमा हुन लागेको चलचित्र प्रर्दशनीलाई शान्ति र विकासका लागि युवा, परिकल्पना पहल, तेक्वान्दो डोजाङ र युथ एक्सन पाल्पाले सघाउने आयोजक मध्येका गुराँस आत्रेयले बताए ।

दुई दिनसम्म चल्ने प्रर्दशनीमा बिहान ११ बजे, दिउसो १ र ३ बजे गरि तीन चरणमा फिल्म देखाइने छ । फिल्म हेर्ने विद्यार्थीले १० रुपैयाँ र अन्यले २० रुपैयाँको टिकट काट्नु पर्नेछ ।

‘घुम्ती किम्फ’ रुपन्देहि, गुल्मी र स्याङजा पनि पुग्ने बताइएको छ ।
देब पचभैया, पाल्पा

प्रतिकृया दिनुहोस