प्रधानमन्त्री कार्यालय सिङ्हदरबारमा १२ जेठ साँझ भएको बैठकमा मोर्चासहित तीन दलका शीर्ष नेताहरूले प्रदेशहरूको नामाङ्कन, सिमाङ्कनलगायत विवादित सबै विषयमा सहमति कायम गर्ने दृढता व्यक्त गरेका थिए ।  राज्य पुनःसङ्रचना र शासकीयस्वरूपबारे आपसी सहमति जुटाउन एकीकृत नेकपा (माओवादी), नेपाली काँग्रेस, नेकपा एमाले र संयुक्त लोकतान्त्रिक मधेसी मोर्चाका प्रमुख नेताहरूले १३ जेठ सम्ममा जसरी पनि निकास निकालेरै छाड्ने प्रतिबद्धता व्यक्त गरेको जानकारी एनेकपा (माओवादी) का उपाध्यक्ष एवम् उपप्रधानमन्त्री नारायणकाजी श्रेष्ठले दिएका छन् ।

नेकपा एमालेका नेता भीम रावलले आजको निर्णायक बैठकले निकास दिन नसक्ने बताए । उनका भनाईमा प्रदेश सिमाङ्कन तथा नामाकङ्नलगायतका विषयमा रूपान्तरित व्यवस्थापिका सङ्सद वा प्रादेशिकसभाले टुङ्गो लगाउनेमा चारैदल सहमतिको नजिक पुगिसकेका छन् ।
यसअघि १२ जेठमा मोर्चासहित प्रमुख तीन दलका नेता सम्मिलित दुईवटा बैठक भएका थिए भने दलका शिर्ष नेताहरुले राष्ट्रपति रामवरण यादवसँग १४ जेठमै सहमतिय संविधान जारी गर्नेबारे परामर्श गरेका थिए ।

प्रतिकृया दिनुहोस