शहीद स्मारक ए डिभिजन लिगअन्तर्गत सुपर लिगका खेलहरु २५ फागुनदेखि शुरु भएका छन् । आज भएको पहिलो खेलमा अङ्क तालिकामा शीर्ष स्थानमा रहेको थ्रीस्टारलाई नेपाल प्रहरीले पराजित गरेको छ ।

त्रिपुरेश्वरस्थित दशरथ रङ्गशालामा भएको सो प्रतियोगितामा नेपाल प्रहरीले थ्रीस्टार क्लबलाई २–१ ले पराजित गरेको हो ।

प्रहरीका तर्फबाट रमेश कटवाल र जुमानु राईले गोल गरे । रमेशले खेलको चौथो मिनेटमा पहिलो गोल गर्दै पुलिसलाई अग्रता दिलाएका थिए । यस्तै जुमानु राईले ७० औँ मिनेटमा थप एक गोल गर्दै प्रहरीको जित सुनिश्चित गरेका थिए ।

यस्तै थ्रीस्टारका लागि विष्णु गुरुङले खेलको ७४ औँ मिनेटमा सान्त्वना गोल फर्काए । यस जितसँगै प्रहरीले २६ अङ्क जोडेको छ भने थ्रीस्टार ३५ अङ्कका साथ लिगको पहिलो स्थानमा छ ।

२६ फागुनमा नेपाल आर्मी र फ्रेण्डस क्लबबीच दिउँसो ३ः३० बजे खेल हुनेछ ।

प्रतिकृया दिनुहोस