त्रिपुरेश्वरस्थित काठमाडौं अस्पतालमा उपचारत् वरिष्ठ पत्रकार चन्द्रलाल झा । तस्बीरः विक्रम राई\हिमालखबर

स्वास्थ्यमा सामान्य सुधार भए पनि चिकित्सकले अझै अस्पतालमै राख्न सल्लाह दिएको झाका छोरा अनिलले हिमालखबरलाई बताए । काठमाडौं गणेशस्थानका ७४ वर्षीय झाको पिसाबमा समेत समस्या देखिएको अनिलले जानकारी दिए ।

दि कमनरबाट पत्रकारिता शुरू गरेका झा मातृभूमि, जन्मभूमि, नेपाल टाइम्सलगायतका पत्रपत्रिकामा आवद्ध रहे । २०२८ देखि २०४२ सालको बीचमा नेपाल टाइम्सको प्रकाशक/सम्पादक भएको बेला उनी १७ पटक पक्राउ परेर साढे सात वर्षजेल परेका थिए ।

राजा महेन्द्रको मन्त्री बन्ने प्रस्तावलाई ठाडै अस्वीकार गरेका झाको पत्रकारिताकै कारण ३१ रोपनी जग्गा पंचायती व्यवस्थाले अध्रिगर्हण गरेको थियो । उनको उपचारमा राज्यले चासो नदेखाएको बताउँदै पत्रकार पुरुषोत्तम दाहाल भन्छन्, “एउटा सशक्त कलमजीवीको उपचारमा राज्यले उदासीनता देखाउनु दुर्भाग्य हो ।”

प्रतिकृया दिनुहोस