दशरथ रंगशालामा २९ फागुनमा थ्रीस्टारले फ्रेन्डस् क्लबलाई १–० गोल अन्तरले पराजित गरेको हो । थ्रीस्टारका लागि सन्तोष साहुखलले खेलको ५२ औं मिनेटमा गोल गरेका थिए । जीतपछि थ्रीस्टारको ३८ अंक भएको छ ।

आजै भएको अर्को खेलमा नेपाल पुलिस क्लबले न्यूरोड टीम (एनआरटी)लाई २–१ ले हरायो । अकिनको गोलले एनआरटीले खेलको पाँचौ मिनेट अग्रता लिएको थियो । भोला सिलवालले ४८ औं र पर्वत पाण्डेले ७३ औं मिनेटमा गोल गरेपछि नतिजा पुलिसको पक्षमा गयो । आठौं स्थानमा रहेर सुपर लिग प्रवेश गरेको पुलिसले यसअघि थ्रीस्टारलाई हराएको थियो ।

प्रतिकृया दिनुहोस