सुपरलिग प्रतियोगिताअन्तर्गत ३० फागुनमा राजधानीस्थित दशरथ रङ्गशालामा एनएमबी मच्छिन्द्रले रानीपोखरी कर्नर टिम (आरसीटी) लाई २–१ गोलअन्तरले हराउँदै बदला लिएको हो । लिगको पहिलो चरणको खेलामा मछिन्द्रलाई आरसिटीले ४–० ले हराएको थियो ।

मच्छिन्द्रका दीपक राईले खेलको पहिलो हाफको २९ औँ मिनेटमा गोल गरेर टीमलाई अग्रता दिलाएका थिए । आरसीटीका अमर डङ्गोलले खेलको ७६ औँ मिनेटमा गोल गरेर खेललाई बराबरीमा ल्याए । मच्छिन्द्रका विशाल राई ए ले ८८ औँ मिनेटमा गोल गरेरपछि मछिन्द्र विजयी भएको हो । मछिन्द्रले १७ खेलबाट ३० अंक जोडेको छ ।

आजै भएको दोस्रो खेलमा मनाङ मस्र्याङ्दी क्लबले नेपाल आर्मीलाई १–० गोलले पराजित गरेको थियो । मनाङका लागि खेलको छैठौं मिनेटमा अनिल गुरुङले गोल गरे । जितसँगै मनाङको ३२ अङ्क भएको छ ।
१ चैतमा थ्रीस्टार र एनआरटीबीच प्रतिस्पर्धा हुनेछ ।

प्रतिकृया दिनुहोस