स्वयमसेवी चिनियाँ भाषा प्रशिक्षक भएर बुटवलको कालिका उमाविमा आएकी हुईको योभन्दा महत्वपूर्ण परिचय नेपाली सँगीतको चिनियाँ साधक हो । उनी मञ्चहरुमा पनि जम्न थालेकी छन् ।

“नेपाली गीतसंगीतमा उनको लगाव गम्भीर छ”, बागेश्वरी संगीतालयमा हुईका भोकल प्रशिक्षक सुरेश सेञ्चुरी भन्छन्, “मादल र सारंगी बजाउन पनि सिकिसकिन् ।”

‘सयौं थुंगा फूलका हामी… ’ र अन्य आधुनिकहरु उच्चारणमा कुनै खोट नराखी गाउने हुईलाई चिनियाँ राजदूतावासको समन्वयमा बुटवल आउँदा कहिले समय बित्ला र फर्कुंला भन्ने थियो ।

तर, अब उनलाई समय छिटो सकिएकोमा थकथक लागिरहेको छ । उनले देश फर्किएपछि नेपाली गीतसंगीतको क्षेत्रमा काम गर्ने योजना बनाईसकेकी छन्, तर त्यसका लागि अलि लामो बसाइँको आवश्यकता छ । “गीतसंगीत भनेको आफैंमा एउटा संस्कृति हो”, उनी भन्छिन्, “थोरै समयमा कुनैपनि संस्कृतीको गहिराईमा पुग्न सकिदैन ।”
दीपक ज्ञवाली, बुटवल

प्रतिकृया दिनुहोस