एन्फा अनुशासन समितिको १५ चैतमा बसेको बैठकले दुवै टिमका समर्थकले अनुशासनहीन काम गरेको भन्दै जरिवाना गर्ने निर्णय गरेको हो ।

९ चैतमा नेपाल प्रहरी र आर्मी क्लबबीचको खेलमा प्रहरीका समर्थकले प्यारापिटमा रहेको कुर्सी तोडफोड गरेको भन्दै प्रहरीलाई एक लाख ५० हजार जरिवाना गरेको छ । सो प्रतियोगिामा प्रहरीका गोलकिपर रितेश थापालाई रेफ्रीले रातो कार्ड देखाएपछि रङ्गशालाको पश्चिम प्यारापिटमा बसेका प्रहरीका समर्थकले प्यारापिटमा रहेका ७५ वटा कुर्सी भाँच्दै मैदानमा फाली अनुशासनहीन कार्य गरेकाले जरिवाना गरिएको एन्फले जनाएको छ ।

यस्तै मनाङ्मर्स्याङदी क्लबलाई भने रु ३८ हजार जरिवाना गरिएको छ । ६ चैतमा भएको मनाङ्मस्र्याङ्दी र थ्रिस्टार क्लबबीचको खेलमा मनाङ्मस्र्याङ्दी क्लबका समर्थकले रङ्गशालाको पश्चिमतर्फको प्यारापिटका १९ कुर्सी तोडफोड गरी नष्ट गरेको भन्दै सो जरिवाना गरिएको हो ।

प्रतियोगितामा खेल सकिएपछि खेलाडीले हात मिलाउने क्रममा मनाङका विदेशी खेलाडी एमबिल लिओनेलले थ्रिस्टारका सुलभ मास्केलाई अपशब्द प्रयोग गर्दै मुक्का प्रहार गरेपछि रेफ्रीले रातो कार्ड दिएका थिए । रेफ्रीको उक्त निर्णयको विरोधमा मनाङका समर्थकले कुर्सी तोडफोड गरेका थिए ।

प्रतिकृया दिनुहोस