खेलकुदशनिबार, चैत्र १७, २०६९
तुलसी भए मिस्टर कोशी
फिटनेश फ्याक्ट्री धरानले १७ चैतमा आयोजना गरेको पाँचौ मिस्टर कोशी शारीरिक सुगठन प्रतियोगितामा इटहरीस्थित सिटि हेल्थ क्लबका तुलसीराज चौधरी प्रथम भएका छन् ।
ओभरअल राउण्डमा ७५ केजी तौल समूहबाट प्रथम भएका चौधरीले ट्रफीसहित नगद ५० हजार प्राप्त गरे । प्रतियोगितामा जित्ने आत्मविश्वासका साथ सहभागी भएको उनले बताए । “आत्मविश्वास लिएर भाग लिएको थिएँ, उपाधि जित्दा खुशी छु” चौधरीले भने ।
प्रतियोगितामा ६५ केजी तौल समूहका धरान फिजिकल फिटनेशका अनुज शाक्य दोस्रो हुँदै नगद २५ हजार हात पारे भने तेस्रो हुने फिटनेश फ्याक्ट्रीका भरत राईले नगद १५ हजार हात पारे ।
कार्यक्रममा भर्खरै धरानमा सम्पन्न चौथो मिस पूर्वाञ्चल २०१३ की विजेता नेहा बजाज र फष्ट रनरअप एलिसा श्रेष्ठलाई पनि सम्मान गरिएको थियो ।
सोहन श्रेष्ठ, धरान
प्रतिकृया दिनुहोस
ताजा अपडेट
हिमालखबर जनमत
