महिला निर्देशकको उपस्थिति न्यून भएको चर्चा भइरहँदा सुचित्रा श्रेष्ठ, सरिना गुरुङ, दीपा बस्नेतपछि अहिले सम्झ्ना उप्रेती रौनियार चलचित्र मेघा को निर्देशकका रूपमा देखा परेकी छन् ।

वीर गणेशमान, मामाघर, मनमन्दिर, सिउँदोको सिन्दुर जस्ता चलचित्रमा सहायक निर्देशक हुँदै रौनियारले बलिउडका जेनिफर, राइट या रंग, जस्ता हिन्दी र खेला भोजपुरी चलचित्रमा सहायक निर्देशकको अनुभव बटुलिसकेकी छन् ।

चलचित्र निर्देशनमा स्नातक सम्झना भन्छिन्, “सिनेमा निर्देशनको अध्ययन तथा एक दशकको सहायक निर्देशनको अनुभवका कारण प्रतिफल सकारात्मक हुनेमा विश्वस्त छु ।” नेपाली चलचित्र क्षेत्रले सम्झ्नाबाट संभावनाको अपेक्षा गरेको छ ।

शहरिया उच्च मध्यमवर्गीय दम्पतीको व्यस्त जीवनशैलीले दाम्पत्य जीवनमा पारेको असर समेटिएको यो चलचित्रको छायांकन गत साता सकिएको छ ।

प्रतिकृया दिनुहोस