एकल वाचनमार्फत छाईसकेकी सरस्वती प्रतिक्षा

पोखराका स्रोता दर्शकमाझ एकल वाचनमार्फत छाईसकेकी सरस्वती प्रतिक्षाले कवितालाई पाँच भागमा बाडेर वाचन गरिन्, आधा क्यानभामा देश, नाम अनाम पात्र, स्वास्नी मान्छेका कविता, प्रेममा आख्यान र सम्बोधित आस्था शीर्षकमा । नेपाल प्रज्ञा प्रतिष्ठानका कुलपति वैरागी कार्इला, नेपाल नाट्य तथा संगीत प्रज्ञा प्रतिष्ठानका उपकुलपति प्रचण्ड मल्ल, कवि मञ्जुल लगायत साहित्यकारहरुले सरस्वतीको रचना क्षमता र प्रस्तुतीको कार्यक्रममा खुलेरै तारिफ गरे ।

करिब डेड घन्टाको लामो कविता वाचामा सरस्वतीले ऊटहरुको देशमा, कविको अज्ञात चिहान, सम्बन्धको सौन्र्दय शास्त्र, अदालत लगायत दुई दर्जन रचना सुनाउन भ्याइन् । सांग्रिला बुक्स र एभरग्रिन क्रिएसनले कार्यक्रमको आयोजना गरेको थियो । सरस्वतीले कार्यक्रममा कविता वाचनसँगै उनको कविता संग्रह ‘बागी सारङगी’ लाई पनि कवि तीर्थ श्रेष्ठ र श्यामलको हातबाट सार्वजनिक गराइन् ।

प्रतिकृया दिनुहोस