अस्कर विजेता हलिउडकी अभिनेत्री ग्विनिथ प्याल्ट्रोलाई पिपुल म्यागजिनले गरेको सर्वेक्षण अनुसार संसारकी सबैभन्दा सुन्दर महिला भएको घोषणा गरेको छ ।

यसअघि पप गायिका बेयोन्से, अभिनेत्री जुलिया रोबर्टस र जेनिफर लोपेजले यो सम्मान पाइसकेका छन् । ४० वर्षकी प्याल्ट्रो दुई सन्तानकी आमा पनि हुन् ।

“मैले रोमाञ्चित महशुस गरिरहेकी छु, अब म २० वर्षकी त छैन त्यसैले पनि यो सम्मान मेरा लागि झनै महत्वपूर्ण छ,” प्याल्ट्रो भन्छिन, “आमा हुनुको अनुभूति आफैंमा निकै सुन्दर छ । मेरा लागि प्रत्येक नयाँ दिन उपहार जस्तो हुन्छ ।” उनी अगाडि भन्छिन, “मेरो परिवार मलाई जवान महशुस गराउन र मेरो सुन्दरताका लागि जिम्मेदार छ ।”

उनले शुटिंग नभएका बेला आफूले कुनै मेकअप नगर्ने पनि बताइन् । अचेल उनी फिल्म ‘आयरन म्यान ३’ को प्रवर्धनमा ब्यस्तमा छिन् ।

सन् १९९१ मा अभिनयबाट आफ्नो करिअर शुरु गरेकी अमेरिकी नगारिक प्याल्ट्रो गायिका समेत हुन् । उनले आफ्नो अभिनयका लागि अस्कर, गोल्डन ग्लोब र स्क्रीन अवार्ड पाइसकेकी छन् ।

प्याल्ट्रोका पति क्रिस मार्टिन चर्चित अमेरिकी ब्याण्ड ‘कोडप्ले’ का भोकलिस्ट हुन् । प्याल्ट्रोका ‘वो सेभेन,’ ‘ द ट्यालेण्टेड,’ ‘मिस्टर रिप्ली,’ ‘कन्टेजियन’ चर्चित फिल्महरु हुन् ।

प्रतिकृया दिनुहोस