प्रहरीका अनुसार तीनजनाको घटनास्थलमा र दुईजनाको उपचारको क्रममा अस्पतालमा मृत्यु भएको हो । घाइते २५ जनाको खाडीचौरस्थित सदाबहार अस्पतालमा उपचार भइरहेको र गम्भीर अवस्थाका एकजनालाई थप उपचारका लागि राजधानी ल्याइएको छ ।

बा २ ख ३३४७ नम्बरको यात्रुबस सडकबाट करिब २० मिटर तल सुनकोसी नदीमा खसेर डुबेकाले बसमा कति यात्रु थिए भत्रे यकिन हुन सकेको छैन । हताहतीको सङ्ख्या बढ्नसक्ने अनुमान प्रहरीले गरेको छ ।

यसअघि १७ जेठमा डोटीको शान्तिनगर सडक खण्डमा  भएको ना १ ज ३२६१ नम्बरको यात्रुवाहक जिप दुर्घटनमा परी १२ जनाको मृत्यु भएको थियो  । दुर्घटनामा परी २२ घाइते भएका थिए । सडक खण्डमा झन्डै ६ सय मिटर तल खसेर दुर्घटना भएको थियो ।