प्राधिकरणको भारपे्रषण केन्द्रका अनुसार यसअघि दैनिक आठ घन्टाका दरले सातामा ५६ घन्टासम्म गर्दै आएको लोडसेडिङ शुक्रबारदेखि सातामा सात घन्टाका दरले ५६ घन्टामा सीमित गरेको जनाएको छ । केन्द्रले यही जेठ १२ गतेदेखि लागु हुने गरी त्यसअघि हुँदै आइरहेको ६३ घन्टाको लोडसेडिङलाई सातामा दैनिक नौ घन्टाका दरले ५६ घन्टामा सीमित गरेको थियो ।

औद्योयोगिक क्षेत्रमा यसअघि हुँदै आएको दैनिक ११ घन्टासम्मको लोडसेडिङमा परिवर्तन गरी दैनिक १० घन्टा कायम गरिएको छ । नयाँ कार्यतालिकामा निर्धारण गरिएको समयमा पाँच मिनेटको हेरफेर हुन सक्ने पनि केन्द्रले जनाएको छ । राससका अनुसार केन्द्रले मुलुकका विभिन्न स्थानमा ७० प्रतिशतभन्दा बढी चुहावट हुने क्षेत्रमा भने निर्धारित कार्यतालिकामा थप पाँच घन्टासम्म लोडसेडिङ हुने जनाएको छ ।

अब सातामा दुई दिन आठ घन्टा, एक दिन साढे सात घन्टा, एक दिन सात घन्टा, एक दिन साढे छ घन्टा, एक दिन छ घन्टा एक दिन पाँच घन्टा मात्र लोडसेडिङ हुने पनि केन्द्रले जनाएको छ । अहिले मुलुकमा एक करोड ५२ लाख युनिट विद्युत्को माग भए पनि ३५ लाख युनिट मात्र आपूर्ति भइरहेकाले लोडसेडिङको अवस्था हटाउन नसकिएको केन्द्रको भनाइ छ।

प्रतिकृया दिनुहोस