खेलकुदशनिबार, बैशाख २८, २०७०
थ्रीस्टार समूह विजेता बन्दै एएफसी प्रेसीडेन्ट कपको दोस्रो चरणमा
राजधानीस्थित दशरथ रंगशालामा २८ बैशाखमा थ्रीस्टार सन् २०११ को प्रेसिडेन्ट कप विजेता चाइनिज ताइपेइको ताइवान पावर कम्पनीसँग २–२ को बराबरी खेलेर समूह ए विजेता बनेको हो । थ्रीस्टारले सर्वाधिक पाँच अंक जोडेको छ । यसअघि बंगलादेशको अबहानी क्लबसँग १–१ को बराबरीमा रोकिएको थ्रीस्टारले इर्चिम क्लबलाई २–० गोल अन्तरले पराजित गरेको थियो । सन् २००५ मा पहिलो पटक आयोजित प्रेसिडेन्ट कपमा थ्रीस्टार सेमिफाइनलमा पुगेको थियो ।
समूह उपविजेता बनेको इर्चिमले चार अंक जोड्यो । अबहानीलाई १–० ले पराजित गरेको इर्चिमले ताइवान पावरसँग गोलरहित बराबरी खेलेको थियो । यसअघि थ्रीस्टारसँग इर्चिम २–० ले पराजित भएको थियो । इर्चिमका लागि एकमात्र गोल गनबटार बटलीगनले अबहानीविरुद्ध गरेका थिए ।
समूह चरणबाट बाहिरएको ताइवान पावरले तीन तथा अबवानी क्लबले दुई अंक जोडेको थियो ।
प्रेसिडेन्ट कपको २३–२९ सेप्टेम्बर २०१३ हुने फाइनल चरणका लागि समूह बीबाट काजकिस्तानको डोरडोइ विशकेक र पाकिस्तानको केआरएल तथा समूह सीबाट तुर्कमिनिस्तानको बालकन र प्यालेस्टाइनको हिलाल अलकडस छनौट भएका छन् ।
प्रतिकृया दिनुहोस
ताजा अपडेट
हिमालखबर जनमत
