एएफसी च्यालेन्ज कप छनोट चरण फुटबल प्रतियोगितामा दर्शकले अभद्र व्यवहार गरेको भन्दै एसियाली फुटबल महासंघको अनुशासन समितिले अखिल नेपाल फुटबल सङ्घ (एन्फा) लाई ६ हजार अमेरिकी डलर (रु पाँच लाख २५ हजार) जरिवाना गरेको छ ।

त्रिपुरेश्वरस्थित दशरथ रङ्गशाला मैदानमा गत २१ फागुनमा नेपाल र बङ्गलादेशबीचको खेलमा नेपालका समर्थकले रेफ्री र एएफसीका प्रतिनिधिलाई अभद्र व्यवहार गरेको भन्दै अनुशासन समितिले एन्फालाई जरिवाना गरेको हो ।

प्रतियोगितामा नेपाल बङ्गलादेशविरुद्व २–० गोलअन्तरले पराजित भएपछि नेपालका समर्थकले एएफसीका प्रतिनिधिलाई लाइटर, मोबाइललगायतका वस्तुले प्रहार गरेका थिए । गत ३१ वैशाखमा मलेसियाको क्वालालम्पुरमा बसेको बैठकको सो निर्णय गरेको एएफसीले आज जनाएको छ ।

निर्णय भएको ३० दिनभित्र एन्फाले रकम बुझाइसक्नुपर्ने छ ।
रासस

प्रतिकृया दिनुहोस