पर्साको वीरगञ्जस्थित घडिअर्वा पोखरी

वीरगञ्जस्थित वाणिज्य कार्यालय पर्साले आर्थिक वर्ष २०६९/७० को साउनदेखि गत चैतसम्मको अवधिमा १ हजार ७५ प्राइभेट र १५ ओटा साझेदारी फर्म दर्ता गरिएको जानकारी दिएको छ ।

गत आर्थिक वर्षको सोही अवधिमा कूल १ हजार ७३ फर्म दर्ता भएकोमा यस वर्ष सो संख्या बढेको सो कार्यालयले बताएको छ । दुई करोड रुपैयाँसम्म पूँजी लगाएर गरिने व्यवसाय वाणिज्य कार्यालयमा दर्ता हुन्छन् । फर्म दर्ता तथा नवीकरणबाट वाणिज्य कार्यालयले ३८ लाख ८१ हजार रुपैयाँ राजश्व सङ्कलन गरेको छ ।

चालु आवको चैत महिनासम्म पर्सामा २ सय ८७ व्यवसायिक संस्थाहरुको दर्ता नवीकरण गरिएको वाणिज्य कार्यालयको तथ्याङ्कमा उल्लेख छ । सोही अवधिमा १ सय १६ फर्मको दर्ता खारेजसमेत गरिएको छ ।

दर्ता नगरेर नै कारोबार सञ्चालन गरेको पाइएपछि ती ब्यवसायिक फर्महरुमा अनुगमन तीव्र पारिएको वाणिज्य कार्यालयले जनाएको छ ।
बिम्मी शर्मा, वीरगञ्ज

प्रतिकृया दिनुहोस