कांग्रेस केन्द्रीय कार्यालय सानेपामा २२ जेठमा बसेको १६ दलको संयुक्त बैठकले प्रदर्शनमा बढी भन्दा बढी जनसहभागिता गराउने निर्णय गरेको बैठकपछि एमाले बरिष्ठ नेता माधवकुमार नेपालले सञ्चारकर्मीलाई जानकारी दिए । सरकारले अपेक्षा गरेको भन्दा बढी जनताले उतार्ने तयारी भईरहेको नेता नेपालले बताए ।

बैठकपछि जारी संयुक्त प्रेस विज्ञप्तिमा सबै पेशाकर्मी, बुद्धिजिवि, किसान, मजदुर, महिला, आदिवासी जनजाति, मधेशी, दलित, युवा, विद्यार्थी, उद्योगी, व्यापारी लगायत सबै तह र तप्काका समुदायलाई विरोधसभामा सहभागी हुन अपिल गरिएको छ ।

षडयन्त्र पूर्वक संविधानसभा विघटन गरी कथित निर्वाचनको नाटक मञ्चन गरी एमाओवादीले सत्ता कब्जा गर्न लागेकाले यसको विरोध गर्नु परेको विज्ञप्तिमा उल्लेख छ ।

प्रतिकृया दिनुहोस