दलहरुबीच सहमतिको विकल्प नरहेको बताएका दाहालले अधिकांश समय कांग्रेस र एमालेको आलोचनामा खर्चेका थिए । कांग्रेस र एमालेले नचाहेको भए संविधानसभा विघटन नहुने उनको भनाई थियो ।

प्रधानमन्त्री बाबुराम भट्टराईले पनि संविधानसभा विघटन हुनुमा कांग्रेस र एमालेलाई जिम्मेवार ठहर्याए । भट्टराईले अहिलेको अवस्थामा एउटाले असंवैधानिक कदम उठाए अर्कोले पनि त्यसै गर्नसक्ने चेतावनी दिए । नाम नलिएपनि उनको संकेत राष्ट्रपतितर्फलक्षित थियो ।

सत्ता साझेदार मधेशी मोर्चाका अध्यक्ष विजयकुमार गच्छदारले भने संविधानसभा पुर्नस्थापना हुनसक्ने दाहालको भनाईको प्रतिवाद गरे । तत्कालिन राजाले संसद पुर्नस्थापना गरे जस्तो संविधानसभा पर्ुनस्थापना हुन नसक्ने गच्छदारको भनाई थियो ।

प्रतिकृया दिनुहोस