तस्बीर साभार: glamsham.com

फिल्म ‘निशब्द’ बाट बलिउडमा प्रवेश गरेकी २५ वर्षीया अभिनेत्री जिया खानको शव २० जेठ राति उनकै घरमा झुण्डिएको अवस्थामा फेला परेको भारतीय समाचार संस्था पिटिआईले जनाएको छ ।

जियाको शव मुम्बईकोे जुहुस्थित उनको घरबाट कपुर अस्पताल लगिएको थियो । उनी आफ्नी आमासँगै वस्थिन ।
सन् २००७ मा रामगोपाल वर्मा निर्देशित फिल्म ‘निशब्द’ मा अमिताभ बच्चन संगै ‘लिड रोल’ गरेकी जिया खानले यो फिल्ममा एउटा गीत पनि गाएकी थिइन् ।

उनले सन् २००८ मा अमिर खानसँग गजनी र २०१० मा अक्षयकुमारसँग हाउसफुलमा पनि काम गरेकी थिइन् । त्यसबाहेक उनी विज्ञापनहरुमा पनि ब्यस्त थिइन् ।

जियाको आधिकारिक वेबसाइटका अनुसार उनको जन्म न्युयोर्कमा भएको थियो र उनी बेलायतमा हुर्केकी थिइन् । उनको असली नाम नफीसा खान हो ।

लन्दनमा अंग्रेजी साहित्यको पढाइपछि उनले शेक्सपियर र अभिनयका बारेमा अध्ययन गरेकी थिइन् ।

प्रतिकृया दिनुहोस