काठमाडौं शिक्षण अस्पतालमा उपचारको क्रममा धनबहादुर थनेत ।

काठमाडौं शिक्षण अस्पतालमा उपचाररत थारूको २३ जेठ राति साढे १० बजे निधन भएको घाइते व्यवस्थापन समितिका अध्यक्ष मीनराज थारूले हिमालखबरलाई जानकारी दिए । थारूलाई २७ वैशाखमा नवलपरासीको डन्डामा प्रहरीको गोली लागेको थियो ।

कुमारवर्ती-७ का ४५ वर्षीय थारूका श्रीमती, एक छोरा र एक छोरी छन् । थारू संयुक्त संघर्ष समितिको तीनदिने आन्दोलनको क्रममा थारू संग्रहालय जलाइएपछि निकालिएको शान्तिपूर्ण जुलुसमा प्रहरीले गोली प्रहार गरेको मीनराजको भनाइ छ । धनबहादुरसँगै गोली लागेका ताराबहादुर थनेत, महेन्द्र आले मगर र विशाल महतो शिक्षण अस्पतालमै तीन हप्ताको उपचारपछि घर फर्किसकेका छन् ।

यसैबीच आदिवासी जनजाति महासंघ र थारूसम्बद्ध संघसंस्थाले मृतकलाई शहीद घोषणा र पीडित परिवारलाई राहतको माग गरेको छ ।

प्रतिकृया दिनुहोस