फिल्म, विज्ञापन, लाइभ सो आदीमा अमिताभ बच्चनलाई टेलिभिजनमा देख्नु नौलो कुरा होइन ।

तर अब बिग बिले सिरियल पनि खेल्ने भनेको सुन्दा भने चाहीँ अचम्म लाग्न सक्छ ।

सामान्यतयाः सानो पर्दा हुँदै कलाकारहरु ठूलो पर्दा तिर बढ्ने क्रम चलिरहेका बेला बिग बिको यो निर्णय प्रति दर्शक र उनका प्रशंसकले आश्चर्य मान्नु स्वभाविक पनि हो ।

तर उनी वर्षौंसम्म तन्काउँदै निर्माण गरिंदै आएका परम्परागत धारका सिरियलभन्दा फरक सीमित समयको र फरक धारको सिरियलमा प्रस्तुत हुँदैछन् ।

यसको क्रिएटिभ निर्देशन अनुराग कश्यपले गरिरहेका छन् ।

हालसम्म विषयवस्तु नखुलाइएको सो सिरियलको सह निर्माता बच्चनकै कम्पनी रहेको छ भने यसको क्रिएटिभ निर्देशन अनुराग कश्यपले गरिरहेका छन् ।

सिरियलका बारेमा अमिताभ भन्छन्, “टिभीमा धेरै सिरियलहरु चलिरहेका छन् र ती सफल पनि छन् । म तिनको सराहना गर्छु, तर म केही फरक र दर्शकले यो भन्दा पहिले नहेरेको विषयमा सिरियल बनाउन चाहँन्थें ।”

यसका साथै अमेरिकी धारावाहिक नाटक सोप्रानोजको हिन्दी संस्करणमा अभिताभ बच्चनले प्रमुख भूमिका निभाउन लागेको खबर पनि बाहिर आइरहेको छ । यो एक माफिया सिरियल हो ।

स्रोतः बिबिसि हिन्दी

प्रतिकृया दिनुहोस