काठमाण्डौ जिल्ला प्रशासन कार्यालय र जिल्ला निर्वाचन कार्यालय बबरमहलमा नामावली दर्ता गराउनेहरूको यस्तो भिड लागेको हो ।  राजधानीमा आएर पढ्ने विद्यार्थीदेखि कार्य व्यस्तताले गर्दा आफ्नो गृह जिल्ला जान नपाएका पूर्व मेचीदेखि पश्चिम महाकालीसम्मका मानिसहरुको भिड जम्मा भएको थियो । अन्तिम दिन राति काठमाडौंमा नौ बजेसम्म नामावली दर्ता भएको थियो । निर्वाचन आयोगका प्रवक्ता वीरबहादुर राईका अनुसार देशभरी असार मसान्तसम्ममा एक करोड २१ लाख ३२ हजारजना मतदाता नामावलीमा दर्ता भएका छन् । १८ वर्षपछि मात्रै भोट खसाल्न पाइने भए पनि राष्ट्रिय परिचयपत्र प्रयोजनार्थ भनेर आयोगले १६ वर्ष पुग्नेहरूको समेत फोटोसहितको नामावली संकलन गरेको छ ।

प्रतिकृया दिनुहोस