दि फेमश महिन्द्रा दल गणको साँख गाविसको घोरखानीमा रहेको सेनाको बाटो काजको अस्थायी क्याम्पवाट रुकुमकोट जाँदै गर्दा रानीकोटमा ३० जेठमा जीप दुर्घटना भएको हो । दुर्घटनामा परेर काभ्रे घर भएका नेपाली सेनाका जवान आशाराम तामांङको घटनास्थलमै मृत्यु भएको जिल्ला प्रहरी कार्यालय रुकुमका प्रहरी निरीक्षक निरञ्जन थापाले जानकारी दिए । वा १ ज ६३०६ नं.को जीप दुर्घटना हुँदा घाइते भएकामध्ये जमदार कुमार भण्डारीसहित तीन जनाको अवस्था गम्भीर रहेको थापाले बताए ।

ठेकेदार शेरबहादुर थापा, उनका दाइ मोतिराम थापा, नवराज थापा र धनसरी थापा घाइते भएका छन् । घाइतेहरुको अहिले रुकुमकोट स्वास्थ्य चौकीमा उपचार भइरहेको स्थानीय शिक्षक बलबहादुर शाहीले बताए । उनीहरुलाई थप उपचारका लागि सेनाको हेलिकोप्टरबाट काठमाडौ लैजाने तयारी भइरहेको छ ।

सेना, प्रहरी र स्थानीय वासिन्दाको पहलमा उद्धार गरिएको छ । जीप सडकवाट करीब दुइ सय मिटर तल खसेको बताइएको छ । बाटोमा बिग्रेको डोजर मर्मतको सामान लिएर जादै गरेको जीप दुर्घटना भएको हो ।

लक्ष्मण केसी, रुकूम

प्रतिकृया दिनुहोस