अर्थ/बजारमंगलबार, साउन ८, २०७०
क्यासिनो पोखरा ग्राण्ड बन्द
ब्यवस्थापन पक्षले विज्ञप्ति निकालेर ६ साउनदेखि क्यासिनो पोखरा ग्राण्ड बन्द गरेको जानकारी दिएको छ ।
सरकारले १ साउनदेखि लागु हने गरी शत प्रतिशत रोयल्टी बढाएपछि त्यती धेरै रकम तिरेर क्यासिनो सञ्चालन गर्न नसकिने भन्दै क्यासिनो बन्द गरेको विज्ञप्तिमा जनाइएको छ । सरकारले क्यासिनोले बुझाउनु पर्ने रोयल्टी २ करोडबाट शतप्रतिशत बृद्धि गरी ४ करोड पुर्याएको छ ।
भ्याली लिंक प्रालिले २०६५ सालदेखि सञ्चालन गरेको क्यासिनोलाइ ४ करोड रोयल्टी तिरेर धान्न नसकिने क्यासिनो ब्यवस्थापनले जनाएको छ । क्यासिनोका कामु नायव महाप्रवन्धक श्यामसुन्दर खड्काले जारी गरेको विज्ञप्तिमा सरकारको कडा नियमनकारी नीतिका कारण क्यासिनो बन्द गर्नुपरेको उल्लेख छ ।
क्यासिनो बन्द भएपछि कर्मचारीहरुलाई कानून वमोजिम पाउने सेवा, सुविधा प्रक्रिया पु¥याएर छिटो उपलब्ध गराउन व्यवस्थापन समिति क्रियाशिल रहेको विज्ञप्तिमा उल्लेख गरिएको छ ।
माधव बराल, पोखरा