पछिल्लो संस्करणको विश्वकप उपविजेता नेदरल्याण्ड डेनमार्कसँग स्तब्ध हुनु, स्पेन इटलीसँग बराबरीमा रोकिनु वा रुस र चेक रिपब्लिकवीचको ४-१ को फराकिलो हारलाई फुटवल विश्लेषक संजीव मिश्र आर्श्चर्यजनक नतिजा ठान्छन् । यस्तै अप्रत्यासित नतिजाले प्रतियोगिता थप रोमाञ्चक बन्ने उनको भनाई छ ।

समुह ‘ए’ लाई तुलनात्मक रुपले सजिलो मानिएको छ । रुसले चेक रिपब्लिक बिरुद्धको खेलबाट ३ अंक हात पारेको छ भने सह-आयोजक पोल्यान्डले ग्रिससँग बराबरी खेलेर एक एक अंक बाँडेको छ । ग्रुप अफ डेथ मानिएको समुह ‘बी’ मा प्रतियोगिताका दावेदार जर्मनी, नेदरल्याण्ड, पोर्चुगल र डेनमार्क छन् । ठूला प्रतियोगितामा सधैं उत्कृष्ट प्रदर्शन गर्ने छवि बनाएको जर्मनी १९९६ पछि पहिलो पटक कुनै उपाधी जित्ने शुरुमा छ । अर्को दावेदार नेदरल्याण्डको नाममा १९८८ को युरो कप रहेको छ । तीन पटकको विश्वकप फाइनलिस्ट नेदरल्यान्ड दुइ वर्षघि विश्वकपमा उपविजेतामै सीमिति रहेको पीडा भुलाउने शुरमा देखिन्छ । यद्यपि डेनमार्कसँग अप्रत्यासशित रुपले १-० ले पराजित भएपछि नेदरल्याण्डको यात्रा कठिन बनेको छ । पोर्चुगल आफ्नो पहिलो खेलमा जमर्नीसँग १-० ले पराजित भएको थियो ।

समुह ‘सी’ मा साविक विजेता स्पेन, इटली, क्रोेएसिया र २००२ पछि आफ्नो पहिलो प्रतियोगिता खेलिरहेको आयरल्याण्ड छन् । उपाधी जित्न सकेमा लगातार दर्ुइ पटक युरो जित्ने कर्ीर्तिमान कायम गर्ने सपना बोकेको स्पेन आफ्नो पहिलो खेलमा इटलिसँग १-१ को बराबरीमा रोकिएको छ । म्याच फिक्सिङका कारण २००६ मा जस्तै यस पटक पनि विवाद परेको इटलीका अधिकांश खेलाडी युवा छन् । सेजारे प्रान्डेलीको प्रशिक्षकत्वमा राम्रो खेलेर पनि २०१० को विश्वकपमा पहिलो चरणबाटै बाहिरिएको पीडा भुलाउन चाहन्छ इटली । स्लावेन बिलिचको व्यवस्थापनमा उत्कृष्ट खेल्दै गरेको क्रोएसियाले आयरल्याण्ड माथि ३-१ को जित निकालेको छ ।

समुह ‘डी’ मा इङ्गयान्ड, फान्स, स्वीडेन र सह-आयोजक युक्रेन सम्मिलित छन् । २१ खेलमा अविजित प|mान्स आफ्नो गुमेको प्रतिष्ठा फर्काउने धुनमा छ । २००८ र २०१० मा लज्जास्पद प्रदर्शनपछि लरेँ ब्लँले कोचको पद संहालेका थिए र त्यसपछि उनीहरु निरन्तर राम्रो खेल देखाउँदै आएका छन् । फ्रान्स र इङ्ग्लयाण्डको पहिलो खेल १-१ को बराबरीमा टुङ्गिएको छ । वायन रुनी प्रतिबन्धका कारण पहिलो दुइ खेल तथा अनुभवी खेलाडी लार्पार्डर डिफेन्डर गेरी केही चोटका कारण प्रतियोगिता नै नखेल्ने भएपछि इङ्गल्याण्ड कमजोर देखिएको हो ।

यूरो कपको विश्व विजेता स्पेन दावेदर हो भन्नेमा शंका छैन । त्यस बाहेक जर्मनी, नेदरल्याण्ड, प|mान्स, रुस क्रोयसिया, इटली र इङ्गल्याण्डलाई पनि बलियो दाबेदारको रुपमा लिन सकिन्छ । धेरै पटक अप्रत्याशित नतिजाका साथ नयाँ विजेता पाउँदै आएको युरो कपको १ जुलाइमा हुने फाइनलले यस पटक के दिन्छ भन्ने कुराले फुटबलप्रेमीहरुको ज्वरो बढाएको छ । २४ दिनसम्म चल्ने रोमान्चक प्रतियोगिताको अन्तिम नतिजा जे आएपनि पोल्याण्ड र युक्रेनका लागि यूरो कप -२०१२ आर्थिक अवस्था सुधारको अवसरसंगै विश्व समुदायमाझ ठुलो प्रतियोगिता आयोजक बनेको गर्व भने सुनिश्चि भइसकेको छ ।

प्रतिकृया दिनुहोस