साउन महिनाको सोमबार व्रत बसी महादेवको पूजा उपासना गर्नाले मनोकांक्षा पूरा हुने शास्त्रमा उल्लेख छ । महिलाहरु मात्रै होइन महादेवलाई प्रिय गेरुवा रंगको वस्त्र लगाएर बोल वम भन्दै पुरुषहरु पनि साउनभरि नै विभिन्न शिवमन्दिरहरुमा पुग्ने गर्छन् ।

साउन महिनामा हरियाली छाउने र फल पहेंलो भएर पाक्ने हुनाले पनि यस महिनामा पहेंलो र हरियो रंगको महत्व बढेको हो ।

२२ साउन सोमबार बिहानैदेखि पशुपतिमन्दिरमा यस्तै श्रद्धालु्हरुको घुइँचो थियो । ट्राफिक प्रहरीलाई सवारी साधन र महानगरपालिका प्रहरीलाई भीड ब्यवस्थापन गर्न हम्मेहम्मे परेको थियो ।

साउनमा शिव उपासना गर्दै बिवाहित महिलाहरुले पतिको दीर्घायू तथा अविवाहितहरुले योग्य पति पाउन पनि व्रत बस्ने गर्छन् ।

धरानको पिण्डेश्वर मन्दिरमा २१ साउनमा जल चढाउन जाँदै राप्रपा नेपालका अध्यक्ष कमल थापा । तस्बीरः सोहन श्रेष्ठ

प्रतिकृया दिनुहोस