रिपोर्टशनिबार, साउन २६, २०७०
बीस अर्वको प्रमाण
एक सरकारी तथ्याङ्क अनुसार दशक लामो माओवादी हिंसात्मक विद्रोहमा १७ हजार ८२८ नेपालीले ज्यान गुमाए, १ हजार ४५२ बेपत्ता बनाइए र २२ हजार ८६३ परिवार थातथलोबाट विस्थापित भए ।
यो अवधिमा सरकारपक्ष र माओवादी दुवैतर्फबाट श्रीमान गुमाएर ९ हजार महिला विधवा भए भने ५ हजार ९१२ जनाको अंगभंग भयो । १४ हजार ४३८ जनाको व्यक्तिगत सम्पत्ति नष्ट भयो ।
त्यस अवधिमा भएको सरकारी–विकास संरचनाको क्षति पनि आकलन गर्न सकिए पनि हिंसात्मक विद्रोहले पारेको मनोवैज्ञानिक क्षय लेखाजोखा गर्न सकिने अवस्था छैन ।
जन, धन र मनोवैज्ञानिक क्षति अनि राज्यकोषबाट भएको खर्चको एकमुष्ट उपलब्धि बनेका छन्, माओवादीका १ हजार ४२२ जना पूर्व लडाकू । जसले तालीमपछि भर्खरै राष्ट्रिय सेनाको पोशाक लगाउन पाएका छन् । सैन्य हिसाबबाट हेर्दा माओवादी विद्रोहको उपलब्धि योभन्दा बढी केही देखिंदैन ।
विस्तृत रिपोर्ट साथै थुप्रै रोचक सामाग्रीहरु साप्ताहिक खबरपत्रिका हिमालको नयाँ अंकमा, २७ साउनदेखि उपलब्ध छ ।