स्पेन ४ अंक
स्पेनको सम्भावना अरु टोली भन्दा बलियो देखिन्छ । बराबरी गरे मात्र पनि उसलाई क्वार्टरफाइनल पुग्न पर्याप्त छ । जितले उसलाई समूह विजेता बनाउनेछ तर गोलरहित बराबरी भएमा र इटलीले खेल जितेमा स्पेन दोस्रो हुनेछ । क्रोसिया र इटलीको हकमा समिकरण केही जटिल छ ।

क्रोएसिया ४ अंक
जितले क्रोएसिया समूह विजेता बन्नेछ । ०-० को बराबरी र इटलीको जितमा स्पेन क्रोएसिया र इटली सबैको समान अंक हुने भएकोले यी ३ टोलीको छुट्टै मिनी लिगद्वारा टुंगो लाग्ने छ । यस अवस्थामा इटलीले क्रोएसिया र स्पेनलाई गरी २ गोल हानेकोले इटली समूह विजेता हुनेछ र दोस्रो टोलीको निक्र्योल समग्र समूहकै गोल अन्तर मार्फत हुनेछ जसमा क्रोएसियाको कम गोल अन्तरको कारण ऊ बाहिरिनेछ ।

१-१ गोलको बराबरी र इटलीको जितको स्थितिमा सबै तीन टोलीको समान अंक र एक अर्का विरुद्ध समान गोल हानेका कारण समग्र समूहको गोल अन्तर नै निर्णायक हुनेछ । स्पेन को ४ गोल अन्तरका कारण उ अन्तिम ८ मा पुग्नेछ र इटलीले आयरल्यान्डलाई कति गोल अन्तरले हराएको छ त्यसले दोस्रो टोलीको छनोट गर्नेछ । इटली २ गोलको अन्तर २-० बाहेकले विजयी भएमा इटलीको ढोका खुल्नेछ तर एक गोलको अन्तरको जितमा क्रॊएसिया छनोट हुनेछ । ३-१ को जितमा भने इटली युएफा कोफिसिएन्ट वरियता प्राणालीमा क्रोएसिया भन्दा माथि भएकोले दोस्रो चरणमा पुग्नेछ ।

यदि स्पेन र क्रोएसियाको खेल २-२ को बराबरीमा सकिएमा इटली र आयरल्यान्डको खेलको कुनै महत्व हुनेछैन र स्पेन र क्रोएसिया क्वार्टरफाइनलमा पुग्ने छन् ।

इटली २ अंक
इटलीलाई जितको विकल्प छैन । ४ गोल अन्तर ४-० बाहेक को जित तथा स्पेन र क्रोसियाको खेल १-१ को बराबरीमा सकिएमा इटली समूह विजेता बन्नेछ ।

इटलीको जित र अर्को खेलमा स्पष्ट नतिजा निस्केमा हार्ने टोली बाहिरिनेछ र जित्ने टोली प्रथम हुनेछ ।

समूह डीमा इंल्यान्ड, फ्रान्स र युक्रेनबीच अन्तिम आठको लागि होड्बाजी चलेको छ । मंगलबार राति इंल्यान्डले युक्रेनको सामना गर्नेछ भने फ्रान्स पहिले नै बाहिरिइसकेको स्वीडेनसँग भिड्नेछ ।

फ्रान्स ४ अंक

बराबरी गर्न सकेमा मात्र पनि उसको अन्तिम ८ को स्थान पक्का हुनेछ । फ्रान्सको बराबरी र इंल्यान्डको जितमा इंल्यान्ड समूह प्रथम भई दोस्रो चरणमा पुग्नेछ ।

प्रुान्स र इंल्यान्ड दुवैले बराबरी खेलेमा फ्रान्स गोल अन्तरको आधारमा समूह विजेता बन्नेछ भने दुबैले आ-आफ्नो खेल जितेमा जितको अन्तरले विजेता र उपविजेताको निर्णय गर्नेछ ।

फ्रान्सको हार र इंल्यान्डको जितः फ्रान्स समूह उपविजेताको रुपमा अपन्तम ८ मा पुग्नेछ । फ्रान्स र इंल्यान्ड दुवैले आफ्नो खेल हारेमा युक्रेन समूह विजेता बन्नेछ र दोस्रो स्थानको लागि फ्रान्स र इंल्यान्डबीच गोल अन्तरलाई नै आधार मानिनेछ ।

फ्रान्सको हार तथा इंल्यान्ड र युक्रेनको खेल बराबरीमा टुंगिएको अवस्थामा फ्रान्स र युक्रेनको गत शुक्रबार राति भएको खेलले फ्रान्स जसले युक्रेनलाई २-० ले पराजित गरेको थियो लाई समूह उपविजेता बनाउनेछ र युक्रेन बाहिरिनेछ ।

युक्रेन ३ अंक
युक्रेनलाई दोस्रो चरणमा प्रवेश पाउन जित आवश्यक छ । उसको जितका साथ-साथै प्रुान्सले स्वीडेनलाई हराउन नसके युक्रेन समूह विजेता भई अन्तिम ८ मा पुग्नेछ ।

इङल्यान्ड ४ अंक
बराबरी मात्रले पनि इंल्यान्डको क्वार्टरफाइनलको ढोका खुल्नेछ । समूह जित्नको लागि इंल्यान्डले जित्नुका साथ-साथै फ्रान्सले बढीमा बराबरी गर्नु पर्नेछ । यो बाहेक प्रुान्स पराजित भएमा र इंल्यान्डले खेल बराबरी गरेमा पनि ऊ समूह विजेता बन्नेछ । तर यदि इंल्यान्ड हारेमा र फ्रान्सले स्वीडेनसँग हार जोगाउन सके रोए हज्सनको टोली घर फकिर्नु पर्नेछ ।

सन्देश पन्त

प्रतिकृया दिनुहोस