यसै वर्ष रिलिज भएको रणवीर कपुर र दीपिकाको फिल्म ‘ये जवानी है दीवानी’ ले १८० करोडभन्दा बढीको ब्यापार गरेको थियो भने त्यसपछि शाहरुख खान र दीपिकाले अभिनय गरेको फिल्म ‘चेन्नई एक्सप्रेस’ ले १८० करोड़को अंक पार गरेको छ ।

यि दुवै फिल्महरुले दीपिकालाई बलिउडकी सबैभन्दा सफल अभिनेत्री बनाइदिएका छन् भने फिल्म उद्योगमा उनको माग झन् बढेको छ ।

दीपिका बाहेक करीना र कट्रिनाका एक-एक फिल्मले १८० करोडको ब्यापार गरेका छन् । सलमान र कट्रीनाको फिल्म ‘एक था टाइगर’ ले यो सफलता पाएको थियो भने करीना र आमिर खान अभिनित ‘थ्री इडियट्स’ ले यो अंक छोएको थियो ।

तिहारका बेला रिलीज हुने अमिर खान र कट्रीनाको फिल्म ‘धूम ३’ ले १८० करोड कलेक्शन गर्‍यो भने चाहीं कट्रिनाले पनि दीपिकाको बराबरी गर्नेछिन् ।

त्यसोभएमा अमिर खानको हातमा पनि दुइवटा फिल्मल‍े १८० करोडको कारोबार गरेको रेकर्ड हुनेछ ।

एजेंसी

प्रतिकृया दिनुहोस