कोलोम्बोमा हुने सार्क अर्थमन्त्रीहरुको बैठक दक्षिण एसियाली स्वतन्त्र व्यापार सम्झौता (साफ्टा), सार्क वित्तीय मामला, लगानी संरक्षण तथा आर्थिक सङ्घ निर्माणमा केन्द्रित हुने अर्थ मन्त्रालयले जनाएको छ । बैठकमा भागलिने नेपाली प्रतिनिधिमण्डलको नेतृत्व गर्दै १३ भदौमा अर्थमन्त्री शङ्करप्रसाद कोइराला श्रीलङ्का जाँदैछन् ।

त्यसअघि सार्क मुलुकका अर्थसचिवहरूको बैठक १३ भदौमा हुनेछ । उक्त बैठकका सिफारिसलाई मन्त्रीस्तरीय बैठकले अनुमोदन गर्नेछ । बैठकमा भाग लिन अर्थ सचिव शान्तराज सुवेदी १२ भदौमा जाँदैछन् ।

सचिवस्तरीय बैठकको तयारीका साथै सार्क विकास कोषको बैठकमा भाग लिन अर्थ मन्त्रालयअन्तर्गतको अन्तर्राष्ट्रिय आर्थिक सहयोग समन्वय महाशाखाका प्रमुख मधुकुमार मरासिनी र सोही महाशाखाका उपसचिव कैलाशराज पोखरेल ११ भदौमा श्रीलङ्का प्रस्थान गरिसकेका छन् ।

प्रतिकृया दिनुहोस