८ असार रातीको खेल ग्रीसको डिफेन्स बिरुद्ध जर्मनीको आक्रमणमै केन्दृत हुनेमा दुइमत छैन । उनिहरुका सेन्टर ब्याक पापाडोपोलस र पापास्ताथोपोलस माथी जर्मनीको आक्रमण निस्तेज पार्ने अभिभारा छ । “जर्मनी विश्वकै उत्कृष्ट टोली मध्यको एक हो । त्यसैले हामीभन्दा उनिहरु माथी दबाब बढी छ । उनिहरुलाई हामी बिरुद्ध गोल गर्न गार्हो पर्न सक्छ । र हामी निस्चित छौं उनिहरुले हामीलाई हल्का रुपले लिने छैनन । ” किरियाकोस पापाडोपोलसले भने ।

जर्मनीका प्रशिक्षक योआखिम लोउ पनि आफुहरु ८ असारको खेलको दावेदार भएको स्विकार्छन । “हामी माथि सबैले जित्ने आशा राखेका छन तर हामी सामान्य खेल खेल्नेछौं । उनिहरुले पक्कै रक्षात्मक खेल खेल्नेछन तर हामी धैर्यपर्वक पाएको मौकाको सदुपायोग गर्नेछौं । ” जर्मनीसँग उत्कृष्ट खेलाडीको कुनै कमी छैन । ग्रुप अफ डेथको सबै खेल जितेको जर्मनीको मनोबल उच्च छ र तीन गोल गरिसकेका स्ट्राइकर मारिओ गोमेज पनि राम्रो लयमा छन ।

यस अगाडीका सबै १४ प्रतिस्पर्धात्मक खेलमा जित हासिल गरेको जर्मनीसँग युरोको इतिहासमा अहिलेसम्म क्वार्टरफाइनलमा नहारेको इतिहास छ । समुह चरणमा खेदिरा, श्वाइन्स्टाइगर्, ओजिलको मिड्फिल्ड गजबको फर्ममा देखिएको कारण ग्रीसको मिड्फिल्डलाई निकै धौ-धौ पर्नेछ । तर डिफेन्समा जर्मनी केहि शङ्कास्पद देखिन्छ । विशेषगरी कर्नर र फ्री किकमा अलिक कमजोर देखिएका कारण ग्रीसका अग्ला खेलाडीहरुले फाइदा लिन सक्नेछन । राइट ब्याक लार्स बेन्डरले डेन्मार्कसँग प्रभावित गरेकाले बोअटेङको स्थानमा उनि खेल्ने सम्भावना छ ।
८ असार रातीको खेल जर्मनीकि चान्सलर एङ्गेला मेर्कलले रङ्गशालामै गएर हेर्नेछिन । २ वर्ष अघी अर्जेन्टिना सँगको विश्व कप क्वार्टर फाइनल खेलमा पनि उनि उपस्थित थिइन र सो खेल जर्मनीले ४-० ले जितेको थियो ।

मिड्फिल्डर सामी खेदिराले भने, ” उनी हाम्रो लागी भाग्यशाली छिन । ग्रीस राम्रो टोली हो तर उनिहरुलाई धेरैले खासै महत्व दिएका छैनन । उनिहरुसँग बलिया खेलाडीहरु छन् । र कम मौका सिर्जना गरेपनी त्यसलाई सदुपयोग गर्न सक्छन । ” ग्रीस वास्तबमै रक्षात्मक रुपले राम्रो टोली हो । २००४ को युरो जित्दा उनिहरुका रक्षकहरुले महत्वपुर्ण भूमिका खेलेका थिए । आक्रमक रुपले उत्कृष्ट नभएपनी अहिलेको टोलीमा सङ्घर्षशिल र दृढ खेलाडीको कमी छैन ।

यिनीहरु बिच अहिलेसम्म भएका ८ खेल मध्य जर्मनीले ५ खेल जितेको छ भने ३ खेल बराबरिमा सकिएको छ । तर ग्रीसका स्ट्राइकर साल्पिङ्गिदिस इतिहासलाई हेर्ने पक्षमा छैनन् । “पहिलेका खेलहरुले खास फरक पार्ने छैन । यो खेल हाम्रो लागी यस प्रतियोगिताको अन्तिम खेल हो भन्ने मान्न हामी तयार छैनौं । हामी आफ्नो देश का जनता को मुहार मा हाँसो देख्न चाहन्छौं ।

जर्मनीसँगको अर्थ – राजनितिक सम्बन्ध त्यती सुमधुर नभएकोले पनि ग्रीसका जनताको लागी यो खेल प्रतिस्ठाको विषय बनेको छ । र त्यसैले पनि उसका खेलाडीहरु बिशेष रुपमा उत्साहित छन । यस प्रतियोगिताको दावेदार जर्मनीलाई हराएर आर्थीक रुपले कमजोर भएता पनि फुट्बलमा राम्रो खेल्ने टोली हो भनेर सावित गर्न ग्रीसले कुनै कसर बाँकी राख्ने छैन ।

प्रतिकृया दिनुहोस