दशरथ रंगशालामा २१ भदौमा समूह बी को अन्तिम खेलमा माल्दिभ्ससँग गोल रहित बराबरी खेलेर समूह उपविजेता बनेपछि अफगानिस्तानले नेपालको सामना गर्नु परेको हो । भुटान र श्रीलंकाविरुद्ध १८ गोल गरेको माल्दिभ्सले अफगानिस्तानलाई भने एक गोल पनि गर्न सकेन ।

यसैबीच आजै भएको अर्को खेलमा श्रीलंकाले भुटानलाई ५–२ ले पराजित गरेको छ ।

माल्दिभ्स र अफगानिस्तानबीचको भिडियो हेर्न यहाँ क्लिक गर्नुहोस्

नेपालको सेमिफाइनल प्रतिद्वन्द्वी आज टुँगो लाग्ने
राजधानीमा जारी आठौं साफ च्याम्पियनसीपको समूह बीमा रहेको माल्दिभ्स र अफगानिस्तान मध्ये पराजित हुने टीमले सेमिफाइनलमा नेपालको सामना गर्नुपर्नेछ ।

दुई देशबीचको खेल बराबरीमा रोकियो भने पनि सेमीफाइनल अफगानिस्तानको भेट नेपालसँगै हुन्छ । दशरथ रंगशालामा मध्यान्ह ३.३० बजे शुरु हुने खेलको विजेता टीमले समूह एको उपविजेता भारतसँग प्रतिस्पर्धा गर्नेछ । माल्दिभ्स र अफगानिस्तान दुबैले श्रीलंका र भुटानलाई पराजित गरेर यसअघि नै सेमीफाइनल यात्रातय गरिसकेको छ ।

सोही समयमा हलचोकस्थित सशस्त्र प्रहरी बलको मैदानमा श्रीलंका र भुटानले प्रतिष्ठाका लागि प्रतिस्पर्धा गर्नेछन् ।

प्रतिकृया दिनुहोस