नारायणगढबाट भरतपुरतर्फ आउँदै गरेको ना२०प ७९४३ नम्बरको मोटरसाइकलले सोही दिशाबाट आउँदै गरेको साइकल यात्रीलाई ठक्कर दिँदा भरतपुर–१३ का बुद्धिप्रसाद भण्डारीको मृत्यु भएको जिल्ला प्रहरी कार्यालय, चितवनले जनाएको छ । त्यस्तै ना१६प १२१६ नम्बरको मोटरसाइकलले ठक्कर दिँदा पैदलयात्री मेघौली–३ बस्ने २० वर्षीय प्रवेश गौतमसहित मोटरसाइकल चालक भरतपुर–१० का २५ वर्षीय विष्णुप्रसाद नेपाल घाइते भएका हुन् ।

यता, बनेपाबाट काठमाडौँतर्फ जाँदै गरेको ना२ख १०९५ नम्बरको बस र काठमाडौँबाट बनेपातर्फ जाँदै गरेको बा१ख ५४७७ नम्बरको ट्रिपर एकआपसमा ठक्कर खाएर भएको सो दुर्घटनामा ६ जना गम्भीर घाइते भएका छन् ।

दुर्घटनापछि उपचारका लागि भक्तपुर अस्पताल ल्याइएका बिरामीमध्ये गम्भीर घाइते भएका कुमार कोइराला, प्रेम सिंह र सिर्जना खत्रीलाई काठमाडाँै मेडिकल कलेज र प्रेम लामा, निर्मल माझी र हीरा लामालाई धुलिखेल अस्पतालमा थप उपचारका लागि पठाइएको छ । अन्य घाइतेको भने भक्तपुर अस्पतालमा उपचार भइरहेको प्रहरीले जानकारी दिएको छ । बस र ट्रिपर एकआपसमा ठक्कर खाँदा बस सडकभन्दा तल खसेको प्रहरीले जनाएको छ ।

प्रतिकृया दिनुहोस