मनाङ्को हुम्डे विमानस्थल पक्की हुनुअघि (माथी) र पक्की भइसकेपछि

लामो समयदेखि विमानस्थलको धावनमार्ग कालोपत्रे गर्न गरिएको माग पूरा भएपछि स्थानीयबासी हर्षित छन् । पक्की धावनमार्गमा १ असोजमा टेष्ट फ्लाईट समेत गरिएको छ ।

धावन मार्ग कालोपत्रे गरिएपछि अनुकुल मौसममा नियमित उडान गर्न सकिने जनाईएको छ । नौ सय मिटर लामो पक्कि धावनमार्ग बनेपछि ठूलो जहाज पनि अवतरण हुन सक्ने हुम्डे एयरपोर्टका कर्मचारी सुर्य गुरुङले बताए । यो सँगै यसक्षेत्रको आर्थिक गतिविधिमा बृद्धि हुने पर्यटन व्यवसायी समिति मनाङका अध्यक्ष विनोद गुरुङले बताए ।

स्थानीय उत्पादन बजारमा पु¥याउन र पर्यटकको संख्यामा समेत बृद्धि हुँदा आय आर्जन बढ्ने उनको भनाई छ ।

यसअघि ट्विनअटर विमानले मात्र मनाङमा उडान भर्दै आएको थियो । त्यो पनि हिउँ र पानीले हिलाम्मे भएपछि उडान रद्द भैरहने गथ्र्यो । पर्यटन तथा नागरिक उड्डयन मन्त्रालयको करिब नौ करोडको लागतमा उक्त धावनमार्ग पिच गरिएको हो ।
युवराज श्रेष्ठ, लमजुङ

प्रतिकृया दिनुहोस