दुई देश बीचको इतिहास
-कुल ३५ खेल
-स्पेनको १६ जित र ६ हार
-पोर्चुगलको ६ जित (घरेलु मैदानमा)
-११ खेल बराबरी
-अन्तिम भिडन्तमा पोर्चुगल ४-० ले विजयी
-अन्तिम प्रतिस्पर्धात्मक खेलमा स्पेनको १-० को जित ।

अन्य तथ्य
-पछिल्ला ३४ प्रतिस्पर्धामा स्पेनको ३१ जित
-२००८ यता ठूला प्रतियोगिताका नकआउट खेलहरुमा स्पेन सबै ८ खेलमा विजयी ।
-पोर्चुगल ठूला टुर्नामेन्टमा आफूले खेलेका ५ सेमिफाइनलमध्ये ४ मा पराजित ।
-युरोमा स्पेनले २६२३ पास पूरा गरेको छ भने पोर्चुगलको पास सङ्या ११५९ रहेको छ ।

खेल रणनीति
स्पेनः ४-३-२-१ को संरचना स्ट्राइकर बाहेक कुनै पनि पोजिसनमा फेर बदल हुने छैन । स्ट्राइकरमा आज पनि फाबि्रगास खेल्ने सम्भावना छ । स्पेनले बल नियन्त्रणमा बढी ध्यान दिँदै थकित पार्ने रणनीति यस युरोमा लिएको देखिन्छ । विशेषगरी इनिएर्टा सिर्वा र जाभी छोटो पास खेल्दै पोर्चगललाई निरीह बनाउन खेज्नेछन् । यस युरोमा ३ गोल गरिसकेका उत्कृष्ट फर्ममा रहेका रोनाल्डोलाई शान्त पार्नसके स्पेनले खेल आफ्नो पक्षमा पार्नेछ । यी बाहेक लुइस नानीलाई कम आँक्ने गल्ती स्पेनले गर्ने छैन ।

पोर्चुगलः ४-३-३ को संरचनामा उत्रिने पोर्चगलले चोटग्रस्त पोस्टिगाको स्थानमा हुगो अल्मेडा खेलाउन सक्नेछ । पछिल्ला दुई खेल राम्रो आक्रामक खेल खेलेको उसका लागि मिडफिल्डमा मोटिन्होले सबैलाई प्रभावित तुल्याएका छन् । रोनाल्डोको अघिल्ला खेलहरुको प्रदर्शनले पूरै टोलीको मनोवल उच्च बनाएको छ । आजको खेलमा पनि रोनाल्डोलाई अन्य खेलाडीले सपोर्ट गर्नु पर्नेछ । स्पेन भन्दा दुई दिन बढी आराम गर्न समय पाएको पोर्चुगलले धैर्यपूर्वक स्पेनको आक्रमणलाई बिफल बनाउँदै काउन्टर अट्याकमा जानेछ । राम्रो डिफेन्डिङ गरिरहेका पेपे माथी स्पेनलाई रोक्ने अभिभारा छ ।

कसले के भने ?
जाभी हर्नान्डेज(स्पेन): डिफेन्समा केन्द्रत हुँदै काउन्टर अट्याक गर्न हामी राम्ररी तयार हुनु जरुरी छ । अघिल्ला दुई खेलले उनीहरुको उत्साह बढाएको देखिन्छ । रोनाल्डो आक्रमण गर्न सक्षम छन् र कोन्टाओ पनि राम्रो फर्ममा छन् । मोटिन्हो र मेरेलेसको मिडफिल्ड पनि उत्कृष्ट देखिन्छ ।

कि्रस्ट्यानो रोनाल्डो(पोर्चुग): हामीलाई दबाब भन्दा पनि दायित्व बढी छ । जित्नको लागी एकदमै राम्रो खेल्नु पर्नेछ । तर अन्य खेल जसरी नै यस खेलको तयारी गरेका छौं । ८ वर्षपछि फाइनलमा पुग्ने मौका छ तर कठिन भने अवश्य छ ।

प्रतिकृया दिनुहोस