निर्धारित ९० र थपिएको ३० मिनेटमा दुबैतर्फबाट गोल हुन नसकेपछि खेलको निर्णय पेनाल्टी सुटआउटबाट गरिएको थियो । शुरुमा बल हान्न गएका स्पेनका जाभी आलोन्सो र पोर्चुगलका जाओ मोटिन्होको प्रहारलाई विपक्षी गोलकिपरले विफल पारिदिएका थिए ।

पोर्चुगलका लागि चौथो प्रहार गरेका ब्याक आस्सेभले हानेको बल बारमा लागेर बाहिरिएपछि स्पेनी टीमलाई सेमीफाइनलमै रोक्ने पोर्चुगलको सपना पुरा हुन सकेन । पोर्चुगलका बहुचर्चित स्टाइकर रोनाल्डो त झन पेनाल्टी हान्ने अवसर समेत पाएनन् ।

सेस फाब्रेगासको प्रहार स्पेनका लागि बरदान सावित भयो । स्पेनले फाइनलमा जर्मनी र इटली मध्येको विजेतासँग प्रतिस्पर्धा गर्नेछ ।

प्रतिकृया दिनुहोस