मन्त्री बोगटी

राजधानीमा १४ असारमा आयोजित साक्षात्कार कार्यक्रममा मन्त्री बोगटीले मुलुकको वर्तमान सङ्कटका मूल एजेन्डालाई छायामा पारेर सरकार परिवर्तनको सहायक विषयलाई मूल एजेन्डामा ल्याउनुले सरकारको आयु लम्ब्याइएको बताएका  हुन । बोगटीले सङ्घीयता, संविधान निर्माणका विषयमा काँग्रेस एमाले सहमतिमा आए आफ्नो दलले सरकार छोड्न तयार रहेको बताए ।

सहमतिको सरकार बन्नुपर्ने भनिरहँदा एमाले तथा काँग्रेस पार्टीबाटै असहमतिको शृङ्खला सुरु भइरहेको भन्दै मन्त्री बोगटीले सङ्घीयता र संविधान निर्माणका क्रममा बाँकी रहेका विषयहरूमा सहमतिमा आउनुपर्नेमा जोड दिए ।

सोही कार्यक्रममा बोल्दै एमाले नेता प्रदीप नेपालले मुलुकको अर्थतन्त्र, सामाजिक तथा सांस्कृतिक चेतना र बहुमिश्रति समाजको कारणले सङ्घीयता ल्याउनु उचित नहुने धारणा राखे । गोलमेच सम्मेलन वा पाँच वर्षा लागि चुनावबाट आएको संविधानसभालाई रूपान्तरित संसदबाट विवादमा रहेका विषयलाई सहमतिबाट पूरा गर्न उनले सुझाव दिए ।

प्रतिकृया दिनुहोस