सिन्धुली भद्रकालीकी तुलसा वाइवा (३४) तामाङ सेलोकी लोकप्रिय गायिका हुन् । छेह्रेङ्गै छेह्रेङ्गै नामक अल्वममार्फत गायनमा आएकी उनले इन्दिरा योञ्जनसंगको सहयात्रामा नाच्यो च्याङवा, सेलो संगम, चौबन्दी, मायाला चिनो, चलनचल्ती जस्ता अल्वम ल्याईसकेकी छन् । सेलोकै तोरतोर ल्हाला ह्रिन्हाङरी ले देशविदेश पुर्‍यायो, उनलाई ।

नेपालीमा स्नाकोत्तर तुलसा भन्छिन्, “यसको गहिराईमा पुनेर अध्ययताहरुको लागि समेत अभिलेख तयार पार्न यसमै पिएचडी गर्न लागेकी हुँ ।”

उनका अनुसार, सेलोमा मायाप्रिती र मेलापर्वका कुरा मात्र हुँदैन ऋतु वर्णन र तामाङ समुदायका जन्मदेखि मृत्युसम्मका संस्कार पनि समेटिएको हुन्छ । नेपाली समाज आधुनिकतामा अभ्यस्त हुँदैजादा सेलोको मौलिकता गुम्दै गएको उनको विश्लषण छ । तुलसाका अनुसार अहीले असली तामाङ सेलो ताम्बा (तामाङ इतिहासकार)को मुख सिमित हुन पुगेको छ ।

“त्यसकारण मौलिक सेलो गाउँने र यसको अध्ययन गर्न चाहनेहरुले अब पुराना तामाङ वस्तीहरुमा पुगेर मात्र नहुने भएको छ” तलुसा भन्छिन् ।
ऋषिराम कट्टेल

हिमाल खबरपत्रिकाबाट

प्रतिकृया दिनुहोस