संगीतकार–गायक हिमेश रेशमियाले निर्माण गर्ने मासुमको रिमेकमा हिमेश ऐश्वर्याको सुविधा अनुसार शुटिंगको मिति तय गर्न तयार छन् । भारतीय अनलाइन पत्रिकाका अनुसार यसबारेमा ऐश्वर्याले छिटै कन्ट्रयाक्ट साइन गर्ने छन् ।

तीन वर्षअघि छोरी आराध्या जन्मिएपछि ऐश्वर्याले कुनै फिल्ममा काम गरेकी छैनन् । उनको पछिल्लो फिल्म रितिक रोशन अभिनेता रहेको ‘गुजारिश’ थियो ।

शेखर कपूरले बनाएको ‘मासूम’ ऐश्वर्यालाई पनि निकै मन परेको फिल्म हो । शेखर कपूरको मासूममा नसीरूद्दीन शाह र शबाना आजमीले पति-पत्नीको भूमिका निर्वाह गरेका छन् । हिमेश नयाँ मासुममा ऐश्वर्या र उनका पति अभिषेक वच्चनलाई अभिनय गराउन चाहन्छन् । यो फिल्को निर्देशन बेदब्रत पेनले गर्ने वताइएको छ ।

ऐश्वर्या र अभिषेकले फिल्म साइन गरेपछि आगामी डिसेम्बरदेखि नै शुटिंग शुरु गर्ने हिमेशको योजना छ ।

विश्व सुन्दरी भइसकेकी ऐश्वर्यालाई पर्दामा हेर्ने उनका फ्यानहरुको ब्यग्रता हिमेश रेशमियाले पूरा गरिदिने अठोट नै लिएका छन् ।

प्रतिकृया दिनुहोस