एमाले मुख्यालय बल्खुमा १९ असारमा बसेको प्रतिपक्षी दलहरुको संयुक्त बैठकले राष्ट्रपतिलाई ज्ञापनपत्र बुझाउने निर्णय गरेको बैठकमा सहभागी नेकपा मालेका महासचिव सिपि मैनालीले हिमालखबरलाई जानकारी दिए । उनका अनुसार काम चलाउ सरकारलाई पूर्ण बजेट ल्याउने अधिकार नभएको बैठकको ठहर थियो । सर्वोच्च अदालतको फैसलाले पूर्ण बजेट ल्याउन नभनेको तथा एक तिहाई बजेट ल्याउन पनि दलहरुबीच सहमति आवश्यक भएको विषयमा प्रतिपक्षी दलहरु एकमत रहेको मैनालीले बताए ।

बैठकमा प्रधानमन्त्री बाबुराम भट्टराईले राष्ट्रिय सहमतिको सरकार निर्माणका लागि बाटो खोल्नु पर्ने विषयमा पनि छलफल भएको थियो । सरकारको विरोधमा संयुक्त आन्दोलनका लागि कार्यदल निर्माण गर्ने विषय समेत बैठकमा उठेको थियो ।

मोहन वैद्य अध्यक्ष रहेको नेकपा-माओवादी र शरत्सिंह भण्डारी नेतृत्वको राष्ट्रिय मधेश समाजवादी पार्टीका नेताहरु पनि बैठकमा सहभागी थिए ।

यसैबीच संयुक्त मधेशी मोर्चा सहित प्रमुख तीन दलको बैठक आज ६ बजे बस्ने भएको छ ।

प्रतिकृया दिनुहोस