प्रेस चौतारी चितवनले भरतपुर विमानस्थलमा २९ असारमा आयोजना गरेको पत्रकार सम्मेलनमा बोल्दै नेता नेपालले नैतिक राजनीतिक र संवैधानिक अधिकार नभएका प्रधानमन्त्री भट्टर्राईले पद नछाडे जनतामाझ जाने र जनताकै बलले सत्ताबाट हटाउने बताए ।

पूर्व प्रधानमन्त्री नेपालले भट्टराईको अटेरीका कारण पूर्व राजा सल्बलाउन थालेको तर राजतन्त्रको पुनःआगमनको सपना नदेख्न ज्ञानेन्द्र शाहलाई चेतावनी दिए । पत्रकारहरूको प्रश्नमा राजासँग राजतन्त्र राख्ने विषयमा कुनै सम्झौता नभएको स्पष्ट गर्दै नेता नेपालले भने, “गिरिजाबाबु मरेर गए पनि म जिउँदै छु निर्धक्कसँग भन्छु कुनै सम्झौता भएको छैन ।”

आगामी मङ्सिर ७ गते संविधानसभाको निर्वाचन हुने सम्भावना नरहेको भन्दै आउँदो वैशाखसम्ममा स्थानीय र संसदीय निर्वाचन गर्नुपर्ने उनको भनाई थियो ।रासस

प्रतिकृया दिनुहोस