नबिल बैंकको महेन्द्रनगर शाखाबाट २ करोड ३१ लाख ६० हजार रुपैंया लुटिएको छ । धनगढीस्थित राष्ट्र बैंकमा लैजाँदै गरेको रकम २५ मंसीर दिउँसो कृष्णपुर गाविसको गुलरिया नजिकबाट लुटिएको हो ।

कैलाली र कञ्चनपुरको सीमा नजिकै गुलरिया र मालाखेतीको बीचमा रहेको जंगलमा ट्राफिक प्रहरी बनेर आएका दुई जनाले पैसा रहेको बाकस लुटेर लगेको नबिल बैंकको महेन्द्रनगर शाखाले जनाएको छ ।

गाडीमा रहेका गार्ड गंगादत्त भट्टसँग खुकुरी मात्रै रहेको तर लुटेराले पेस्तोल देखाएर  कञ्चनपुर जिल्ला प्रहरी कार्यालयका प्रहरी उपरीक्षक राजेन्द्रप्रसाद चौधरीले बताए । नबिलको महेन्द्रनगर शाखाको गाडीमा गार्ड गंगादत्त सहित कर्मचारी सत्य तामाङ र गाडी चालक दिलबहादुर चन्द रहेका थिए । उनीहरुलाई पनि प्रहरीले नियन्त्रणमा लिएको छ ।

प्रहरी उपरीक्षक चौधरीको नेतृत्वमा प्रहरी टोली सो क्षेत्रमा परिचालन भएको छ । यस्तै, कैलाली जिल्ला प्रहरी कार्यालयको टोली पनि सो क्षेत्रमा परिचालन गरिएको जनाएको छ । सीमा क्षेत्रमा पनि भारतीय सुरक्षाकर्मीसँग समन्वय गरेर कडाई गरिएको प्रहरीको भनाई छ ।

बच्चु विक, महेन्द्रनगर

प्रतिकृया दिनुहोस