फिफाले ४ पुसमा सार्वजनिक गरेको नयाँ बरियतामा नेपाल सात स्थान तल झरेर १७२ औं स्थानमा पुगेको छ । यसअघि नेपाल फिफा बरियतामा १६५ औं स्थानमा थियो । तर, फिफा बरियतामा दक्षिण एशियाका सबै देश तल झरेका छन् ।

दक्षिण एशियाली देशमध्ये सबैभन्दा बढी खस्किएको माल्दिभ्स हो । फिफा बरियतामा १४ स्थान तल झर्दै माल्दिभ्स १६३ औं स्थानमा छ । ११ स्थान तल झरेर १४० औं स्थानमा पुगेको अफगानिस्तान भने दक्षिण एशियाली देशमध्ये शीर्ष स्थानमै छ । १५४ औं स्थानमा रहेको भारत फिफा बरियतामा ६ स्थान तल झरेको हो ।

बरियतामा ८ स्थान तल झरेको बंगलादेश १६४ औं स्थानमा छ । श्रीलंका भने ३ स्थान तल झर्दै बरियतामा १६९ औं स्थानमा पुगेको छ । १७२ औं स्थानमा रहेको पाकिस्तान ५ स्थान तल झरेको छ । भुटान भने २०७ औं स्थानमा छ ।

फिफा बरियताको शीर्ष स्थानमा स्पेन कायमै छ भने दोस्रोमा जर्मनी र तेस्रोमा अर्जेन्टिना छन् । पोर्चुगल पाँचौं, उरुग्वे छैंटौं, इटली सातौं र ब्राजिल दशौं स्थानमा छन् । एसियाली देशहरुमा सबैभन्दा माथि रहेको  इरान ३३ औं स्थानमा छ ।

प्रतिकृया दिनुहोस