थप समाचारसोमबार, पौष ८, २०७०
दिल्लीमा आम आदमी पार्टीले सरकार बनाउने
आम आदमी पार्टी (आप)ले ८ पुसमा नयाँ दिल्लीमा सरकार बनाउने घोषणा गरेको छ । अप्रत्यासित परिणाम ल्याएको आपले पार्टी संयोजक अरविन्द केजरीवाल नै नयाँ दिल्लीको मुख्य मन्त्री हुने जनाएको छ ।
दिल्ली विधान सभामा आपले २८ सिट जित्दै दोस्रो स्थान बनाएको थियो । तर, सरकार बनाउनका लागि आठ सिट ल्याएको कांग्रेसले बाहिरबाट आपलाई समर्थन गर्नेछ । आपले सरकारमा जाने कि नजाने भनेर आफ्नै संयन्त्रमार्फत् जनमत लिएको थियो । धेरैले सरकारमा जान सुझाव दिएपछि आपले सरकार बनाउने निर्णय गरेको हो ।
दिल्ली विधानसभा चुनावमा कुनै पनि पार्टीले बहुमत नल्याएपछि सरकार बनाउन गतिरोध उत्पन्न भएको थियो । दिल्ली विधानसभा निर्वाचनमा ७० मध्ये भारतीय जनता पार्टीले ३२, आपले २८, कांग्रेसले ८ सिट र २ सिट अन्यले जितेको छ ।
बीबीसीको सहयोगमा