थप समाचारसोमबार, पौष ८, २०७०
विराटनगर र सप्तरीमा आगलागी
विराटनगर र सप्तरीको इनरुवामा ८ पुसमा आगलागी भएको छ । विराटनगर–१५ स्थित भट्टिमोडमा सुरशे सहनीको लक्ष्मी पाउरोटी उद्योगमा आगलागी भएको छ । पुस ८ बिहान भएको आगलामी ७० लाख रुपैंया बराबरको क्षति भएको छ ।
विद्युत् सर्ट भई लागेको आगलागीबाट पाउरोटी उद्योगकासाथै छिमेकी जुगल सहनीको बोरा उद्योग एवम् गोदाम, मनोहर रायको पसल, छिमेकीको किराना, चिया पसल तथा घरमा पनि क्षति पुगेको प्रहरीले जनाएको छ ।
यस्तै, ८ पुस बिहान सप्तरीको इनरुवा गाविसमा आगलागी हुँदा ८ लाख रुपैंया बराबरको क्षति भएको छ । इनरुवा–९ निवासी जोगेन्द्र यादवको गाईगोठमा बालिएको आगो सल्केर भएको आगलागीमा यादवसहित स्थानीय तीन परिवारको छवटा घर जलेर नष्ट भएको छ ।
आगलागीमा परी यादवको चारवटा बाख्रा जलेर मरेका छन् भने घरमा रहेको खाद्यान्न, लत्ताकपडा, फर्निचरलगायतका सम्पूर्ण सामान जलेर नष्ट भएको प्रहरीले जनाएको छ ।
रासस