राष्ट्र बैंकले १० साउनमा आर्थिक वर्ष २०६९/०७० को मौद्रिक नीति सार्वजनिक गर्दै अनिवार्य नगद मौज्दात बढाएको हो । यसअघि पाँच प्रतिशत रहेको वाणिज्य बैंकको अनिवार्य मौज्दात छ प्रतिशत पुर्‍याइएको छ । साथै विकास बैंकले साढे पाँच प्रतिशत र फाइनान्सहरुले पाँच प्रतिशत मौज्दात राख्नु पर्ने व्यवस्था गरिएको छ । बैंकहरुमा प्रयार्प्त तरलता भएको तथा मृल्यबृद्धि रोक्न अनिवार्य मौज्दात बृद्धि गरिएको राष्ट्र बैंकका गभर्नर युवराज खतिवडाले बताए ।

नीतिमा मुद्रास्पिmति साढे सात प्रतिशतमा झार्ने र आर्थिक बृद्धि दर साढे पाँच प्रतिशत पुर्‍याउने लक्ष्य राखिएको छ । कृषिजन्य उद्योगलाई प्रबर्दन गर्ने गरी कार्यक्रम बनाइने भएको छ । मौद्रिक नीतिले रु. तीन लाखसम्मको निक्षेपमा विमाको व्यवस्था गरेको छ । यसअघि रु. दुइ लाखसम्मको मात्रै विमा हुन्थ्यो ।

प्रतिकृया दिनुहोस